Total Pageviews

Tuesday, August 23, 2011

Begrafnis in Garies


(Aangepas uit 'n ou bekende namakwalandse legende)

Dis ‘n troostelose Augustus middag. Die wind huil vanaf die see, daar is nie ‘n wolkie in sig nie, die laaste dominee is lankal vort na vrugbaarder weivelde en niemand sal eers daaraan dink om die beroep aanneem nie...

     Tannie Susara het haar hoof neergelê op 83 na ‘n lang bedlêende siekbed. Die Here het gegee en die Here het geneem..Die gemeenskappie vergader rondom die oop graf en Oom Johannes Nieuwoudt staan met die geopende Woord en lees vir 55 minute.... alles oor 40 jaar se trek en bitterlikke swaarkry deur die woestyn onder leiding van Moses...

     Hy doen hy ‘n hartroerende gebed en die naasbestaandes met die Tannie se kleinkinders vooraan, strooi elkeen ‘n handvol grondjies op die Kis.

     Hy vra die gemeentetjie en naasbestaandes om vir laas die afgestrowende toe sing met “Prys den Heer..” Oom Johannes sit in met “Dummm”.

     Die verwese groepie in pikswart geklee en roubande op hul linkermoue trek stadig en moeisaam deur verse 1 en 2.

   Toe alles klaar was toe sê die Oom:“Was dit nou nie aandoenlik nie Broers en Susters? Kom ons sing sommer verse 3 en 4 ook...wat stront!!"

Krieket in die Counties

(Aangepas uit 'n ou legende)

Toe speel die Engelse mos een Saterdag oggend in November County krieket. Glamorgan teen Ayrshire.. almal is vredig, die Airedaleterriers en Yorkies lê en slaap aan die voete van hulle base en kry af en toe ‘n welkome stukkie melktert. 

     Die gehoor is geklee met navyblou baadjies met blink knope verder versier met Public School Old Boys dasse en die dames natuurlik met wit hoede. Hulle sit in die klein Grênd Stand en almal is important want hulle chauffeurs het hulle 3 ure gelede vanuit  effe verslete ‘01 XJ’s afgelaai. Die drywers staan nou geduldig buite, voete op die tyres en bumpers, skinderend van hulle base, rokend aan Dunhills gesteel van bogenoemde werkgewers.

     Dis ‘n 4 daagse wedstryd en die kolfwerk vorder stadig maar seker. John P Ainsbury kom van New York. Die man is welgesteld, woon aan die oostekant van Central Park en leef ‘n 23 uur gejaagde dag. Teen sy sin hierheen gesleep deur sy vennoot se skoonpa, Peter Bowen-Adams Esq. Ter wille van die betrekkinge moet hy die nagmerrie deur sit. Hy verwyl dit skelm deur in sy binnesak op sy iPhone IV te sit en vee.

   Dis 12:45, die son staan stil, en toe gebeur die onverwagte...met slegs 18 lopies op die telbord besluit Andrew Tiller, die openingskolwer, die glans is nou van die bal af en hy haak af en tot almal se verbasing (die meeste sy eie..) seil die bal moeiteloos oor die bybreek grens.

     Die Grênd Stand verstik in hul flou tee, kom op hulle voete om stadig, baie stadig vir Andrew die applous te gee wat hom toe kom.

John P kyk gesteurd op vanaf sy iPhone..”What happened?”, vra hy verbaas, “Did the game begin?”